“Ыырбытыттан тахсар ыраас, көнө, дьылҕабытыгар дабайар аартыкпыт киэҥ, сирдиир орой сулустаах,сырдык күннээх буоларыгар үчүгэйи үксэтэн,куһаҕаны куччатан, киһиэхэ үчүгэй үйэтин тухары үтүө аргыс буолан абырыыр эбит, үтүө доҕотторум!”-диэн эппитэ улуу киһибит Суорун Омоллоон Таатта музейын арыйар сылыгар. Итинник сырдык санаанан салайтаран, инникигэ эрэнэн, сүдү күүһүнэн-бар- дьон сомоҕолоһуутун көмөтүнэн тэриллибит музейа уон тохсус сылын кини аатын ааттата, үйэтитэ үлэлиир.
Күндү биир идэлээхтэрбит, ыалдьыттарбыт, бүгүҥҥү бэлиэ күммүтүнэн хас биирдиигитин эҕэрдэлиибит. Баҕарабыт уустук кэмҥэ бэйэ-бэйэбитигэр харыстабыллаахтык сыһыаннаһан, үтүөнэн салайтаран, инникигэ эрэнэн доруобай буолуоххайыҥ, чэгиэн сылдьыаххайыҥ.
#тааттатүмэлэ
#музейтаатта
#деньмузея
#museumtatta