Тохсунньу – Таҥха ыйа.
18.01.2021

Тохсунньу ый 13-19 чыыһылатыгар саха итэҕэлинэн Таҥха ыйа саҕаланар. Бу кэмҥэ таҥхалааһын араас көрүҥүн туһанан инникини тымтыктанан билэ сатыыллар. Бу туһунан саха классик суруйааччыта, бөлүһүөгэ Алексей Елисеевич Кулаковскай  “Научные труды” үлэтигэр сиһилии суруйан хаалларбыта. Таҥха биир тарҕаммыт көрүҥүнэн  “Хаары сиидэлээһин” буолар. Кини суруйарынан:” Киэһэ сэргэни тула хаары сиидэлээн куталлар. Сарсыарда эрдэ туран ити хаары көрдөххө, араас суол-иис хаалбыт буолар. Сиидэлээбит киһи байыах буоллаҕына, хаарга кулунчукторбос туйаҕын суола көстөр. Оҕо төрөөрү гыннаҕына оҕо атаҕын суола, оттон өлүүгэ түбэһиэх буоллаҕына хоруоп эбэтэр киһи уҥуоҕа көстөр”.