Мультимедийный проект “Ожившие картины”
Таалар налыы хонуулаах,
Талба нарын талахтаах,
Ыллыыр ымыы чыычаахтаах,
Ырыаһыт ыллам дьонноох
Таатта эбэ хотуҥҥа
Талбалаан үөскээбит
Ойуун ууһа удьуордаах
Ойуунускай оҕочоос
Суоһурҕанан олорон
Сурдурҕаччы суруйбут
«Дьулусханнаах дьулуо маҥан халлаан
Дьураатыгар тура төрүөбүт
Дьулусхан субуйа сүүрүк
Дьуура хара аттаах
«Дьулуруйар Ньургун Боотур» диэн
Саас-үйэ тухары
Саха хаан аймаҕар,
Кэнчиэри ыччатыгар
Кэрэ кэпсээн буолар
Отут суол олоҥхоттон
Оҥоһуллубут олоҥхо.
П.А.Ойуунускай «Дьулуруйар Ньургун Боотур»
Республиканский конкурс ледовых скульптур “Хадаайы парк”
23.02.2023с. Аан дойду көмүскээччилэрин күннэрин көрсө “Таатта” түмэлигэр муус маастардарын күрэхтэрэ түмүктэннэ.
Икки күн устата аан дойду таһымнаах өрөспүүбүлүкэҕэ биллэр муус уустарын “В мире профессий» күрэхтэрэ түмүктэннэ. Бу күрэх быйыл Ил Дархан Айсен Сергеевич Николаев биллэрбит үлэ, дойдуга педагог уонна уһуйааччы сылыгар ананна.
Үгүс сыл устата Дьокуускай куорат киин болуоссаттарын киэргэтэн кэлбит муус скульптора Афанасьев Леонид Никифорович эдэр ууһу, утумнааччытын Сунтаартан сылдьар Охлопков Михаил Васильевиһы, Таатта Уолбатын оскуолатыгар өр сылларга учууталлаабыт Попов Василий Еремеевич иитиллээччитин Рахлеев Семен Романовиһы көҕүлээн кытыннардылар. Маны таһынан, учуутал идэлээх уустарбыт Дьүлэй нэһилиэгиттэн Алквиад Павлович Атастыров, сокуоннай саастарын ситэ илик оҕолору чөлүгэр түһэрэр “Эрэл” киин уһуйааччыта Варфоломеев Афанасий Афанасьевич уонна «Эдэр натуралистар” станцияларын тутаах үлэһитэ Назаров Василий Александрович көхтөөхтүк кытыннылар. Быйыл саҥа кыттааччы өрөспүүбүлэкэҕэ биллэр айар куттаах Уолба Боппосовтарын дьиэ кэргэттэрин кыра бырааттара Иван Трофимович мууска талаанын бигэтик көрдөрдө. Былырыыҥҥы ийэ сылыгар анаммыт күрэхпит муҥутуур кыайыылааҕа Марков Дьулустаан Петрович ох курдук оҥостон кэлэн, биир идэлээхтэригэр маастарыстыбатын уонна сүбэтин-саргытын үллэһиннэ.
Таатта улууһа үлэһит дьонун уонна түмэл сайдыытын сыаналыыр, өйүүр меценаттарбыт: ”Төлөн” Харбалаахтааҕы чох разреһын салайааччыта Рахлеев Прокопий Дмитриевич, ”Монтажник” тэрилтэ салайааччыта Ханин Александр Михайлович, ”ТИМС-ГРУПП ХЭТ” салайааччыта Ханин Михаил Александрович, чааһынай урбаанньыттар Большаков Юрий Николаевич, Мэҥэ Хаҥаластан Борисов Иван Иванович, Таатта улууһун баһылыга Соров Михаил Михайлович, Тааттыныскай нэһилиэк баһылыга Павлов Егор Иннокентьевич биир санаанан салайтаран күүс-көмө буоллулар.
Киэһэ биэс чааска кыттааччылар Таатта эбэ дьэҥкир мууһуттан сиэдэрэй бэйэлээх айымньыларын Чярин Федор Иванович, Татаринов Иннокентий Хрисанфович, Малышев Иван Иванович, Таппыров Владимир Дмитриевич састааптаах дьүүллүүр сүбэҕэ билиһиннэрдилэр. Кыайыылаахтары сэргэ анал ааттары уонна 10000 тыс.солкуобайдаах сертификаттары туттардылар:
“Раскрытие темы” анал аат Рахлеев С.Р. “Триумф” үлэтинэн,
“Ледовая фантазия” анал аат Боппосов И.Т. “Үлэ-дьол” үлэтинэн,
“Творческий полет” анал аат Варфоломеев А.А. “Уһуйааччы” үлэтинэн,
“Мастерство резьбы” анал аат Атастыров А.П.«Уус» үлэтинэн,
«Мастер-наставник» анал аат Попов В.Е. үлэтинэн уонна Тааттыныскай нэһилиэк баһылыга Е.И.Павлов анал бирииһинэн наҕараадаланна.
«Оригинальная композиция» анал аат Назаров В.А. “Агроном” үлэтинэн 15000 тыс.солк сертификатынан уонна улуус баһылыга Михаил Михайлович Соров анал бирииһин тутта.
III миэстэҕэ «Айар үлэм алгыстаах аартыга» үлэтинэн Мэҥэ-Хаҥаластан Дьулустаан Петрович Марков таҕыста уонна 20000 тыһ. солк. сертификатынан,
II миэстэҕэ «Өбүгэ утумун тарҕатааччы» айымньытынан Үөһээ Бүлүүттэн Афанасьев Леонид Никифорович тахсан 25000 тыһ.солк. сертификатынан наҕараадаланнылар.
I миэстэҕэ Сунтаартан Охлопков Максим Васильевич 30000 тыһ.солк. сертификаты тутан муҥутуур кыайыылааҕынан ааттанна.
Күрэх кыттааччыларын улууспут баһылыга Михаил Михайлович Соров Аан дойду көмүскээччилэрин күнүнэн эҕэрдэлээн туран, саха омук духовнай өйө-санаата, култуурата уутуйан үөскээбит ытык Тааттаҕа, ойуулуур-дьүһүннүүр искусство сайдан эрэр биир көрүҥүн тарҕатааччыларыгар, көҕүлээлээччилэригэр уус уолаттарга махтал тылларын анаата.
Өрөспүүбүлүкэбит, улууспут айар-тутар талааннаах дьоммутун сырдатар, сайыннарар кэскиллээх бырайыакпыт меценаттарыгар барҕа махталбытын тиэрдэбит.
Муус оҥоһук күрэҕэ-2022
«Таатта» түмэлэ “Хадаайы” муус пааркатыгар Сахабыт Өрөспүүбүлүкэтигэр уонна Тааттабыт улууһугар ИЙЭ сыла биллэриллибитинэн “Ийэ баар буолан” диэн тиэмэлээн Сахабыт Өрөспүүбүлүкэбит муннуктарыттан кэлэн икки күннээх тыҥааһыннаах күрэххэ эр бэртэрбит биир кэрэ аҥарбыт кыттыыны ыллылар, илин-кэлин түһүстүлэр.
Бастакы миэстэни Мэҥэ-Хаҥалас биир чулуу уола Марков Дьулустаан Петрович ылан, ИП, Тааттабыт улууһун хаар айан күрэхтэригэр ааттата сылдьар Васильев П.А. анал бирииһин тутта.
Иккис миэстэҕэ Ытык-Күөл олохтооҕо Назаров Василий Александрович тиксэн, ААУо “Төлөн” сал. Рахлеев П.Д. анал бирииһин тутта.
Үһүс бириистээх миэстэҕэ Үөһээ-Бүлүү улууһуттан Афанасьев Леонид Никифорович тахсан, ПК “Монтажник” сал. Ханин А.М. анал бирииһин тутта.
“Будущая Надежда» номинацияны Дьокуускай куораттан күрэххэ соҕотох кыттыбыт кэрэ аҥарбыт Олеся Николаевна Александрова ылан, ИЙЭ сылыгар анаан Евдокия Дмитриевна Петрова-Морхоева Герой ийэ, Үлэ тыыл бэтэрээнин оҕолоруттан анал бириис тутта.
“Оригинальная композиция” номинацияҕа Томпо улууһуттан Готовцев Василий Федорович тиксэн, Дьокуускай куораттааҕы “Үрдэл” сынньалаҥ паарка дириэктэрин Васильев А.Н уонна “Аграрник” компания сал. Попов А.И. анал бириистэрин тутта.
“Раскрытие темы” номинацияҕа Попов Василий Еремеевич таҕыста, Таатта (Уолба), “Үрдэл” сынньалаҥ паарка дириэктэрэ Васильев А.Н. уонна СӨ норуотун маастара Протопопов В.В. анал бириистэрин тутта.
“Мастерство резьбы” номинацияны ылла Варфоломеев Афанасий Афанасьевич (Ытык-Күөл), Тааттыныскай нэһилиэк баһылыгын Павлов Е.И. уонна “Аграрник” компания, салайааччы Попов А.И. анал бириистэрин тутта.
“Ледовая фантазия” номинацияҕа тигистэ Дьяконов Иннокентий Владимировичка (Ытык-Күөл), Таатта улууһун баһылыгын Соров М.М. анал бирииһин тутта.
“Творческий полет”-Атастыров Алквиад Павлович (Туора-Күөл) спонсордар “Үрдэл” сынньалаҥ паарка дириэктэрэ Васильев А.Н., “Аграрник” компания сал Попов А.И.
Тыалтан-куустан чаҕыйбакка икки күн устата көрүөхтэн кэрэ оҥоһуктары оҥорон таһаарбыт күндү күрэхпит кыттааччыларыгар уонна спонсордарбытыгар муҥура суох махталбытын тиэрдэбит. Чэгиэн, доруобай буолуҥ!
Муус оҥоһук күрэҕэ-2021
«Таатта» түмэлэ “Хадаайы» муус пааркатыгар «Мин Сахам сирэ» муус оҥоһуктар күрэхтэрэ түмүктэннэ. Икки күн устата Таатта улууһун талааннаах уустара муус композицияларын оҥордулар. Бастакы миэстэни Уолбаттан Попов Василий Еремеевич ылан, Ханин Александр Александрович салайааччылаах «Монтажник» производственнай кооператив анал бирииһин тутта. Иккис миэстэҕэ Ытык Күөлтэн Лопатин Василий Васильевич тахсан, Рахлеев П.Д. салайааччылаах “Төлөн” ААУо бирииһин тутта. Үһүс миэстэни Назаров Василий Александрович Ытык Күөлтэн музей анал бирииһин тутта. «Оригинальная композиция» номинацияҕа Варфоломеев Афанасий Афанасьевич музей коллективын аатыттан анал бириис тутта (Ытык Күөл), “Мастерство резьбы» – Харайданов Алексей Дмитриевич (Дэбдиргэ) спонсор Тааттыныскай нэһилиэк баһылыга Павлов Е.И.,«Ледовая фантазия» -Дьяконов Иннокентий Владимирович (Ытык Күөл) , “Абсолют” маҕаһыын Элякова А.А. анал бирииһин тутта, “Творческий полет» – Аргунова Октислава Владиславовна ( Ытык Күөл) “Мебельнэй” маҕаһыын хаһаайкатыттан Бурцева Л.П. анал бирииһи тутта, “Раскрытие темы” – Егоров Петр Иванович (Ытык Күөл) “Охотный двор” маҕаһыын хаһаайыныттан Большаков Ю.Н. анал бирииһин тутта, “Будущая надежда» – Габышев Давид Поликарпович ( Ытык Күөл) музей коллективын аатыттан “Охотный двор” маҕаһыынтан сертификат хаһаайына буоллулар.
Уран уустарбытыгар тоһуттар тымныыттан толлубакка көхтөөх кыттыыларыгар уонна күрэх спонсордарыгар Таатта патриот дьонугар «Таатта» түмэлин аатыттан муҥура суох махталбытын тиэрдэбит, дьиэ кэргэҥҥитигэр дьолу- саргыны, кытаанах доруобуйаны баҕарабыт.#тааттатүмэлэ #музейтаатта #хадаайымузейа #museumtaatta