Убаастабыллаах Анна Константиновна уонна Тааттатааҕы кииннэммит библиотека үлэһиттэрэ!
Бүгүн Таатта улууһун историятыгар бэлиэ күн – И.А.Аргунов аатынан Тааттатааҕы кииннэммит библиотека төрүттэммитэ 85 сыла.
Ааҕар балаҕан бастакы салайааччыта, улууска бастакы кыраайы үөрэтэр музей научнай сотруднига, дириэктэрэ Михаил Григорьевич Слепцов аатын кытта ыкса сибээстээх. Оччоттон-баччаҕа библиотека
сайдыы суолун кытта тэҥҥэ хардыылаан, үгүс дьон-сэргэ атаҕын суола сойбот билии киинэ буолар.
Библиотека туруу үлэһиттэрэ история, литература, культуура салааларыгар тэрийэр, «Таатта ытык-бэлиэ күннэрэ», «Сэһэн-сэппэн»,«Сыл бастыҥ кинигэтэ», «Уран тыл», социальнай хайысхалаах «Библиотека-сылаас сыһыан эйгэтэ» уонна куйаар ситимигэр ыытар
үйэлээх бырайыактаргытын хас биирдиибит сэргиибит, олоххо-дьаһахха, үлэҕэ-хамнаска туһанабыт.
Убаастабыллаах Анна Константиновна уонна библиотека үлэһиттэрэ !Бу курдук өр сылларга биир киһи курдук сомоҕолоһон,
тэппит атаххытын кубулуппакка айа-тута сылдьыҥ, доруобай буолуҥ!
Таатта кырдьаҕас кииннэммит библиотеката саҥа тупсаҕай, аныгылыы хааччыллыылаах таас уораҕайданарыгар хас биирдии ааҕааччы
баҕата туоларыгар баҕарыаҕыҥ!

Эҕэрдэни кытта: “Таатта” түмэлин үлэһиттэрэ
Алтынны 10 күнэ, 2023 сыл.